యువతి ప్రతిభ.. ఒకేసారి నాలుగు ప్రభుత్వ ఉద్యోగాలు
యువతి ప్రతిభ.. ఒకేసారి నాలుగు ప్రభుత్వ ఉద్యోగాలు
ఖమ్మం, శోధన న్యూస్ : పట్టుదలతో లక్ష్యాలను చేరుకోవచ్చని విద్యార్థిని కోలపుడి శృతి నిరూపించారని ఖమ్మం పోలీస్ కమిషనర్ సునీల్ దత్ అన్నారు. ఖమ్మం పోలీస్ శిక్షణ కేంద్రంలో ఆవుట్ సోర్సింగ్ పని చేస్తున్న శృతి తల్లి పుల్లమ్మ, తండ్రి పెయింటర్ .తన ఇద్దరి పిల్లలను ఉన్నత చదువులకు ప్రోత్సహించడంతో కష్టపడి చదువుకున్నారు. పెద్ద కుమార్తె శృతి ఇటీవల వెలువడిన ప్రభుత్వ ఉద్యోగాల నోటిఫికేషన్ లో ఏకంగా నాలుగు ప్రభుత్వ ఉద్యోగాలు సాధించారు. ఎక్సైజ్ కానిస్టేబుల్ ,గురుకుల స్కూల్ లైబ్రరియన్, ఇ ఓ వుమెన్ చైల్డ్ వెల్ఫేర్, గురుకుల డిగ్రీ కాలేజ్ లెక్చరర్‌గా ఉద్యోగం సాధించారు. ఈ సందర్భంగా పోలీస్ కమిషనర్ కుటుంబ సభ్యులను అభినందించారు. ఈ కార్యక్రమంలొ సిటిసి ఆర్ ఐ తిరుపతి పాల్గొన్నారు.
