విద్యతో పాటు నాయకత్వ గుణాల పెంపొందింపు పై ప్రత్యేక దృష్టి
విద్యతో పాటు నాయకత్వ గుణాల పెంపొందింపు పై ప్రత్యేక దృష్టి
హైదరాబాద్ : శ్రీ చైతన్య టెక్నో స్కూల్ నల్లగండ్ల శాఖలో విద్యార్థి నాయకత్వాన్ని గుర్తిస్తూ పదవీ నియామక కార్యక్రమం ఎంతో ఉత్సాహభరితంగా, ఘనంగా నిర్వహించారు. విద్యార్థుల్లో సమగ్ర అభివృద్ధిని లక్ష్యంగా పెట్టుకుని పాఠశాల చేపడుతున్న ఈ తరహా కార్యక్రమాలు విద్యార్థుల్లో ఆత్మవిశ్వాసాన్ని పెంచి, వారికి భవిష్యత్తు నాయకులుగా మారేందుకు బలమైన మౌలికమైన దశలను సిద్ధం చేస్తున్నాయనీ స్కూల్ ప్రిన్సిపాల్ యువాణి తెలిపారు.
ఈ కార్యక్రమానికి ముఖ్య అతిథిగా హూడా లేఅవుట్ అధ్యక్షులు జలంధర్ హాజరై, విద్యార్థుల్లో మానవీయ విలువలు, సేవా భావం, మరియు నాయకత్వ నైపుణ్యాల అభివృద్ధి పై మాట్లాడారు.ఈ వేడుకలో డీన్ నాగరాజు, సి బ్యాచ్ ఇన్‌ఛార్జ్ శ్రీ లక్ష్మీ, పదవ తరగతి ఇన్‌ఛార్జ్ శాంతి, సిసిఐ ఇన్‌ఛార్జ్ మానస తదితరులు పాల్గొన్నారు.
ప్రమాణ స్వీకారం చేసే విద్యార్థుల తల్లిదండ్రులు కూడా హాజరై, తమ పిల్లలు నాయకత్వ బాధ్యతలు స్వీకరిస్తున్నందుకు గర్వంగా ఉందని తెలిపారు.ఈ సందర్భంగా హెడ్ బాయ్, హెడ్ గర్ల్, డిప్యూటీ హెడ్ లీడర్లు, క్రీడల కెప్టెన్, సాంస్కృతిక కార్యక్రమాల కెప్టెన్, అలాగే నాలుగు హౌస్‌లకు చెందిన కెప్టెన్లు, ఉప కెప్టెన్లు తమ పదవులకు తగ్గట్లుగా బ్యాడ్జులు మరియు సాష్‌లు స్వీకరించారు. ప్రిన్సిపాల్ సమక్షంలో ప్రమాణ స్వీకారం చేసి, విధులను నిబద్ధతతో నిర్వహించేందుకు సిద్ధంగా ఉన్నామన్నారు.
