ప్రజా పాలనతో నిరుపేదలకు న్యాయం
ప్రజా పాలనతో నిరుపేదలకు న్యాయం
తెలంగాణ రాష్ట్ర డిప్యూటీ స్పీకర్ డాక్టర్ జాటోతు. రామచంద్రనాయక్
నూతన రేషన్ కార్డుల కోసం ఏళ్ల తరబడి ఎదురుచూస్తున్న లబ్ధిదారులకు కాంగ్రెస్ ప్రభుత్వం అండగా ఉంటుందని, అర్హులైన ప్రతి పేదోడికి రేషన్ కార్డులు అందజేయడమే కొరకు ప్రత్యేక ప్రాణాలికతో కాంగ్రెస్ పార్టీ ముందుకు సాగుతుందని, ప్రజా పాలనతో నిరుపేదలకు సమన్యాయం జరుగుతుందని, తెలంగాణ రాష్ట్ర డిప్యూటీ స్పీకర్, ప్రభుత్వ విప్, డోర్నకల్ ఎమ్మెల్యే, డాక్టర్ జాటోతు. రామచంద్రనాయక్ అన్నారు.
మున్సిపాలిటీ కేంద్రంలోని ఆడిటోరియంలో స్థానిక తాసిల్దార్ కొండపేల్లి. కృష్ణవేణి ఆధ్వర్యంలో 4, 198 నూతన రేషన్ కార్డులను వారి చేతుల మీదుగా పంపిణీ చేశారు. ఈ సందర్భంగా ఏర్పాటుచేసిన సమావేశంలో వారు మాట్లాడారు. గత పది సంవత్సరాల్లో టిఆర్ఎస్ ప్రభుత్వం ప్రజలకు అన్యాయం చేసిందని, కాంగ్రెస్ ప్రభుత్వం అధికారంలోకి రాగానే అర్హులైన నిరుపేదలందరికీ నూతన రేషన్ కార్డులను అందజేసిన ఘనత ప్రజాపాలన ప్రభుత్వం కాంగ్రెస్ పార్టీకి దక్కిందన్నారు. ప్రజల మద్దతుతో గెలిచిన ప్రజా ప్రభుత్వం కాంగ్రెస్ ప్రభుత్వం అధికారంలోకి రాగానే ఎన్నికల్లో ప్రజలకు ఇచ్చిన హామీలను అమలు చేసిందన్నారు.
