పారిశ్రామికాభివృద్ధికి  ప్రభుత్వం కట్టుబడి ఉంది  -తెలంగాణ రాష్ట్ర ముఖ్యమంత్రి రేవంత్ రెడ్డి

పారిశ్రామికాభివృద్ధికి  ప్రభుత్వం కట్టుబడి ఉంది 

-తెలంగాణ రాష్ట్ర ముఖ్యమంత్రి రేవంత్ రెడ్డి

హైదారాబాద్, శోధన న్యూస్ : రాష్ట్రంలో పారిశ్రామికాభివృద్ధికి తమ ప్రభుత్వం కట్టుబడి ఉందని రాష్ట్ర ముఖ్యమంత్రి  ఏనుముల  రేవంత్ రెడ్డి స్పష్టం చేశారు. డాక్టర్  బి ఆర్ అంబేద్కర్ తెలంగాణ రాష్ట్ర సచివాలయంలో ముఖ్యమంత్రితో ఫాక్స్కాన్ కు చెందిన హాన్ హాయ్ ప్రెసిషన్ ఇండస్ట్రీస్ ప్రతినిధి శ్రీ వీలీ నేతృత్వంలోని ప్రతినిధి బృందం మంగళవారం కలిసింది ఈ సందర్భంగా సీఎం రేవంత్ రెడ్డి  మాట్లాడుతూ, ప్రజల ఆకాంక్షలను కాపాడే భాద్యత కొత్తగా ఏర్పడిన తమ ప్రభుత్వంపై ఉందన్నారు.  అన్ని వర్గాలకు స్నేహపూర్వకంగా ఉండే విధానాన్ని అవలంబిస్తున్నామన్నారు.  కాబట్టి, పారిశ్రామిక వేత్తలకు కూడా పూర్తి సహాయ, సహకారాలందిస్తామని అన్నారు. పరిశ్రమల అభివృద్ధి, ఏర్పాటుకు కావాల్సిన అనుమతులు సులభంగా అందించడం తో పాటు, మౌలిక సదుపాయాలను కల్పిస్తామని  సిఎం  రేవంత్ రెడ్డి పేర్కొన్నారు. రాష్ట్రాన్ని పారిశ్రామికంగా దేశంలోనే అగ్రగామిగా ఉంచేందుకు కావాల్సిన అన్ని చర్యలను తీసుకుంటామని తెలిపారు. ఈ సమావేశంలో  రాష్ట్ర ఐటి, పరిశ్రమల శాఖ మంత్రి  దుద్దిళ్ల శ్రీధర్ బాబు, సీఎస్  శాంతి కుమారి ఇతర ఉన్నతాధికారులు   పాల్గొన్నారు.