ప్రమాదాలను నివారణకు భద్రతా నియమాలను పాటించాలి- జిల్లా ఎస్పీ రోహిత్ రాజు
ప్రమాదాలను నివారణకు భద్రతా నియమాలను పాటించాలి
– ట్రాక్టర్ల వెనుక భాగాన రేడియం స్టిక్కర్లు తప్పనిసరి
-భద్రాద్రి కొత్తగూడెం జిల్లా ఎస్పీ రోహిత్ రాజు
భద్రాద్రి కొత్తగూడెం, శోధన న్యూస్ : ప్రమాదాలను నివారణకు భద్రతా నియమాలను పాటించాలని భద్రాద్రి కొత్తగూడెం జిల్లా ఎస్పీ రోహిత్ రాజు సూచించారు. మంగళవారం ఆయన మాట్లాడుతూ.. రోడ్డు ప్రమాదాలను నివారించడంలో భాగంగా జిల్లా పోలీసుల ఆధ్వర్యంలో వాహనదారులకు అవగాహనా కార్యక్రమాలను ఏర్పాటు చేయడం జరుగుతుందని తెలిపారు. ముఖ్యంగా ట్రాక్టర్ల యజమానులు ట్రక్కుల వెనుక భాగాన రేడియం స్టిక్కర్లను అంటించి వెనుక నుండి వచ్చే వాహనదారులకు కనిపించే విదంగా ఏర్పాటు చేసుకోవాలని సూచించారు. మితిమీరిన వేగంతో వాహనాలను నడుపుతూ సామాన్య ప్రజానీకానికి ఇబ్బందులు కలిగించే విధంగా ప్రవర్తించే ఆకతాయిలపై కఠిన చర్యలు తీసుకుంటామని, ఈ విషయం పై పోలీసు అధికారులకు ఆదేశాలు జారీ చేయడం జరిగిందన్నారు.ట్రాఫిక్ నియమాలను ఉల్లంఘిస్తూ నిర్లక్ష్యంగా వాహనాలు నడిపితే కఠిన చర్యలు తీసుకోవడం జరుగుతుందని హెచ్చరించారు.రోడ్డు ప్రమాదాలను అరికట్టడంలో భాగంగా జిల్లా పోలీసులు తీసుకునే చర్యలకు ప్రజలంతా సహకరించాలని ఆయన విజ్ఞప్తి చేశారు.
